Специјализираната болница за нефрологија – Струга денеска прими донација од хуманитарното здружение LetzCare.
Донацијата, како што информира директорот на институцијата Јетмир Зиба, содржи колички за лица со попреченост, електрична количка, болнички кревети, концентратори за кислород, како и неопходни медицински материјали како компресивни завои, стерилни гази, хируршки маски, средства за дезинфекција и ракавици за еднократна употреба.
– Изразуваме искрена благодарност и длабоко признание до хуманитарното здружение LetzCare и Сафет Алили за нивната дарежлива поддршка и континуирана соработка во рамките на претходно потпишаниот меморандум. Упатуваме благодарност и до Адем Нуроски за бесплатниот транспорт и континуираната поддршка. Овој придонес е јасен доказ за заедничката посветеност кон подобрување на условите за лекување и унапредување на благосостојбата на нашите пациенти, истакна Зиба.
Тимот на струшка нефрологија, нагласи, останува посветен да се грижи на највисоко ниво на одговорност и професионалност кон пацинетите, затоа што тие се и секогаш ќе бидат во центарот на нашата мисија.
