Регулаторната комисија за енергетика, водни услуги и управување со комунален отпад (РКЕ) ја извести јавноста дека официјално грејната сезона завршува на 15 април 2025 година, согласно Правилата за снабдување со топлинска енергија и Тарифниот систем за продажба на топлинска енергија.
По тој датум започнува таканаречениот преоден период, кој трае до 30 април. Во овој временски интервал, доколку прогнозата за средна надворешна температура за наредниот ден изнесува 12°C или помалку, снабдувачите се обврзани да обезбедат греење во затворени простории.
Греењето треба да се одвива во периодот од 06:00 до 22:00 часот, при што температурата во просториите треба да биде 20±1°C.
