– Во Собранието денеска ќе се одржи дискусијата „Заштита на децата од сексуална експлоатација и онлајн и офлајн злоупотреба: Можности за воспоставување национална линија за пријавување CSAM“ по повод 18 ноември – Светскиот ден за спречување и заздравување од сексуална експлоатација, злоупотреба и насилство врз деца.
Најавени се воведни обраќања на Јована Тренчевска, пратеничка и претседателка на Клубот на жени пратенички во Собранието; Гонце Јаковлеска, претставничка од Цивика мобилитас и Лилјана Пецова Илиеска, претседателка на ИМПЕТУС.
Како што најавуваат од собраниската прес-служба, за линијата „Ало Бушавко“ ќе говори Жарко Змијанац, директор на Прва детска амбасада Меѓаши и Клои Комсток, онлајн презентација од Меѓународната мрежа на линии за пријавување на материјал со сексуална злоупотреба на деца INHOPE: Како функционираат линиите за пријавување и меѓународната соработка.
На темата „Од пријава до институционално постапување: Улогите на Министерството за внатрешни работи, јавното обвинителство и институциите за заштита на децата“ ќе зборуваат Весна Трпевска, началничка на одделение во Сектор за компјутерски криминал и дигитална форензика, Министерство за внатрешни работи; Спасенка Андонова, јавна обвинителка во Основно јавно обвинителство – Скопје за гонење на организиран криминал и корупција; Биљана Пејоска Ристеска, виша соработничка за подготовка на тендерска документација за јавни набавки во Министерство за дигитална трансформација и Емилија Гиноска, советничка за информирање во Агенцијата за заштита на личните податоци.
За „Перспектива на судот: Постапување по предмети поврзани со материјал со сексуална злоупотреба на деца (CSAM) и значењето на навременото пријавување и зачувувањето на доказите“ ќе говорат Даниела Димовска, претседателка на Основен кривичен суд – Скопје и Билјана Коцевска, судијка во Основен кривичен суд – Скопје.
Во рамки на настанот ќе се одржи и презентација на ИМПЕТУС: Можни механизми и модели за воспоставување национална линија за пријавување материјал со сексуална злоупотреба на деца (CSAM), соработка со телеком оператори.

