Министерката за финансии Гордана Димитриеска – Кочоска заедно со своите колеги од Централна и Југоисточна Европа имала средба со премиерот на Хрватска, Андреј Пленковиќ.
На средбата било разговарано за значењето на регионалната иницијатива за интеграција на пазарите на капитал – процес кој, како што истакна Димитриеска – Кочоска, ќе овозможи полесен пристап до финансии за компаниите, ќе ја зголеми довербата кај инвеститорите и ќе отвори нови можности за економски раст.
Премиерот Пленковиќ ја дал својата силна поддршка за оваа иницијатива, а министерката изразила уверување дека со заеднички напори ќе се изградат поконкурентни пазари на капитал и ќе се обезбеди подобра иднина за економиите во регионот.
