Десет лица – пет пожарникари и пет шумарски работници – загинаа при гаснење на голем шумски пожар во Западна Турција.
Четиринаесет спасувачи се повредени. Како што раскажуваат сведоци на трагедијата за турските медиуми, додека се справувале со пожарот, пожарникарите и шумските работници биле фатени одненадеж од промена на правецот на ветерот, кој ги насочил пламените јазици директно кон нив.
Турскиот претседател Реџеп Таип Ердоган изрази сочувство до семејствата на жртвите.
