Во Меморијалниот центар на АСНОМ во Пелинце денеска со свечена државна церемонија и културно-уметничка програма беше одбележан Денот на Републиката – 2 Август.
На свеченоста се обрати претседателот на Владата на Република Северна Македонија, Христијан Мицкоски, кој упати честитка по повод Денот на Републиката и ја истакна историската важност на Илинден и АСНОМ за македонската државност.
Делегација на Општина Куманово, предводена од градоначалникот Максим Димитриевски, секретарот Емилија Сларидис Јаневска и претседателката на Советот на Општината, Ивана Ѓорѓиевска, положи цвеќе пред спомен-обележјето во Меморијалниот центар на АСНОМ, оддавајќи почит на учесниците во Народноослободителната борба и на државотворните темели на современата македонска држава.
На одбележувањето присуствуваа делегации од државните институции, локалната самоуправа, политички партии, здруженија на граѓани и други организации.
