300 медицинари вработени во комплексот „Мајка Тереза“ од 1 јули ќе паркираат на 5 минути подалеку од клиниките, во гаражата и паркинг местата на хотелот Лимак. Тие, исто како и досега, од џеб ќе си го плаќаат паркинг местото, а со тоа ќе им овозможат на пациентите да имаат поголем пристап до болницата. Министерот за здравство Азир Алиу е решен да го среди хаосот со паркинг местата. Комплексот клиники на Водно има 2500 вработени, а дневно таму се движат над 6000 луѓе и пациенти. Ова е само еден мал чекор напред и придонес кон решавање на проблемот, инфомира министерот. Долгорочното решение со паркингот, се разбира е поврзано и со локацијата на клиниките. Алиу вели дека се разгледуваат сите опции, но во меѓувреме ќе се преземат и вакви чекори за решавање на проблемот.
Освен проблемот со паркирањето на возила по тротоарите и тревниците на клиниките, комплексот Макја Тезера се уште нема дигитални табли со мапи, за полесно ориентирање на пациентите и информации за слободни паркинг места. Уште наредната недела министерот ќе има средба со професори од Финки факултетот, се со цел да се вклучат студенти и магистри и да изработата апликација која ќе биде корисна за граѓаните при нивното доаѓа на клиника.
Со години наназад комплексот клиники на Водњанска го има овој проблем. Пациенти и роднини коишто имаат сместено блиски таму, чекаат со часови за да стигнат до паркинг место, или еден од нив останува во возилото, додека болните завршат работа. Претходнокот на Алиу, Арбен Таравари зад себе остави пропаднат тендер на којшто се пријави само една компанија од Албанија за изградба на катни гаражи. Компанијата најави дека во новите гажаи, двојно ќе биде зголемена ја цената за паркирање. По бурните реакции од јавноста, Таравари го поништи огласот. По неколку месеци, си даде оставка и го остави хаосот на Клинички центар.
