Дел од маркетите кои не ја почитувале владината одлука за ограничување на бруто профитните маржи може да добијат клуч на врата. Замениот министер за економија, Марјан Ристевски, вели дека со измените на законот во прекршочни постапки, тие кои не ја почитувале мерката може да бидат затворени и до 15 дена. Детали за тоа колку ланци на маркети ја прекршиле одлуката и колку од нив ќе бидат парично казнети или затворени се најавуваат за идната недела од Државниот пазарен инспекторат.
Инаку, мерката за ограничување на маржите на над 100 групи на производи во трговијата на мало и големо стапи на сила во февруари и завршува на 30 април. Со ограничени маржи се продаваат основните прехранбени производи, бебешката храна и средствата за хигиена. До крај на април има замрзнати цени и на осум групи на производи.
