58 семејства на починатите во пожарот во Кочани добија по 150.000 денари од Црвениот Крст, вклучувајќи ја и фамилијата на починатиот возач на брзата помош. И семејствата на повредените лица ја добија оваа парична помош. Досега овие пари се исплатени на 99 семејства.
За две семејства на починатите лица и 16 семејства на повредените лица кои се лекуваат во странство се чекаат дополнителни податоци за да може да се изврши исплатата и за нив. Во тек е прибирање на податоци за повредените кои се лекуваат во државата.
Заклучно со денешниот ден, собрано е околу 66 милиони денари.
