Граѓаните веќе ги чувствуваат промените во Скопје. Од почисти улици, тротоари и контејнери до побрз и посовремен градски јавен превоз. Градот од ден во ден станува поуреден и пофункционален. Локалната власт, со помош на Владата, ги совладува и надминува старите, наталожени проблеми, со идеја Скопје повторно да стане град, кој ќе функционира и ќе може да одговори на потребите на граѓаните. А и скопјани задоволни. Категорични се дека градот по речиси три децении кома, полека се дига на нозе.
Од денес скопскиот асвалт се чисти со новите 30-тина современи комунални возила, кои треба целосно да ја променат сликата на градот. Новата механизација значи побрзо и поефикасно собирање на отпадот. Се очекува да пристигнат и 3.300те нови контејнери кои ги најави градоачалникот Ѓорѓиевски а во план се и две претоварни станици – во Ѓорче Петров и Гази Баба. Со нив, отпадот треба да се собира и транспортира поорганизирано, а проблемите со преполните контејнери да станат поретка слика во градот.
„Другиот дел од проблемот беше претоварните станици и губењето време и трошење на ресурси. Во моментов немаме фунцкионални претоварни станици за да го бајпасираме делот Карпош, Ѓорче Петров и дел од Центар. Сега обезбедивме сами како град Скопје како Комунална хигиенам две претоварни станици, една таму ќе биде стационирана и многу побрзо ќе движат процесите во однос на собирањето на отпадот, а другата ќе биде стационирана во Гази Баба, која што ќе го покрива тој регион таму“, изјави Орце Ѓорѓиевски – градоначалник на Скопје
Јавниот превоз, кој со години беше една од најголемите слабости на градот, почнува да добива нова слика. Неделава граѓаните за првпат почнаа да го користат градскиот воз. Тоа е само една од алките во низата решенија со кои властите планираат да го модернизираат и унапредат градскиот превоз.
За брзо се очекува да стигнат и електричните автобуси, а се подготвува и БРТ-системот, со кој треба да се овозможи побрзо и поефикасно движење низ градот. Целта е јавниот превоз повторно да стане алтернатива за автомобилите, да се намалат гужвите, да се скрати времето на патување и да се намали загадувањето.
