Претседателот на САД, Доналд Трамп, упати честитка по повод 34-годишнината од Денот на независноста на Македонија – 8 септември, до претседателката Гордана Сиљановска-Давкова.
„Во име на народот на Соединетите Американски Држави, ви испраќам најдобри желби по повод прославата на 34-годишнината од вашата независност“, пишува во честитката од американскиот претседател.
„Во изминатите 30 години партнерството меѓу САД и Македонија продолжи да се зајакнува и проширува. Ја ценам поддршката на Македонија за нашите напори да се постигне мирно решение на конфликтот меѓу Русија и Украина. Нашата соработка во борбата против транс-националните закани, како што се криминалот и нелегалната трговија со дрога, ги потврдува нашите заеднички вредности и цели. Соединетите Држави го поздравуваат придонесот на Македонија за меѓународниот мир и безбедност, што се гледа преку вашата посветеност кон зголемена распределба на товарот. Во годината што претстои, со нетрпение очекувам да го унапредиме нашето партнерство“, стои во честитката од Доналд Трамп.
