Условите во тендерот, условите на пазарот или притисокот од јавноста ? – Македонија не знае што е причината зошто грчката компанија „Архиродон“ не ја продолжи банкарската гаранција со што падна во вода оптимзмот на Владата – пропадна и 14-тиот тендер за изградба на ХЕЦ Чебрен. Се претпоставува дека главната причина е тоа што Грците побарале да се сменат условите во тендерот за да имаат гаранции за заем од банка, а Македонија одби да го направи тоа. Министерката за животна средина спомена неколку можни причини , но се огради од прецизирање.
Додека беше активна гаранцијата понудувачот требаше да потпише договор за заедничко вложување, но бидејќи не добивме дополнителни информации од компанијата, банкарската гаранција не важи и не може да продолжиме понатаму. Не се изјаснија тие, но имаа дополнителни услови кои Владата не можеше да ги прифати. Компанијата соопшги дека има определени услови во тендерот кои не им овозможиле банкабилност или финансиска исплатливост, односно средства од банките за да може да го гради Чебрен, рече Министерката за животна средина и просторно планирање Каја Шукова.
Тимот правници констатирал дека Македонија нема можност да ја активира банкарската гаранција во вредност од 1. 5 милион евра од Грците оти е истечен рокот, а се активирала само во случај ако се повлечат пред тоа. Пропаѓањето на тендерот без точно да се знае зошто се откажа грчкото електростопанство отвора низа дилеми и простор за шпекулации, што точно се преговарало меѓу двете страни и како е спроведена тендерската постапка
Дека проектот е штетен предупредуваа експертите три месеци нананзад откако беше одбрана компанијата. Тие сметаат дека македонските ресурси треба да останат домашни.
Св Петка хидроцентралата и ХЕЦ Козјак се најдобри примери во минатите години како државата може да изгради домашни капацитети. Ако се знае дека не мора сите пари веднаш ад се дадат туку во рок од 10 години, тоа не се многу пари. Добра држава мисли на доброто на народот , не зборувам за власта , зборувам за државата , ако е добра ќе води сметка на народот . Чебрен да остане дома , Тиквеш да остане државна, коментира професор Туневски.
Според професорот Димитров пак, распродавањето на домашното е закана за сувереноста на државата
Дозволуваме суверенитетот на државна фирма да ја јавне друга држава , не само што даваме да управува со водите, туку и со таканаречената базна енергија и да го наплатува со беразнски цени ,алармираше проф. Константин Димитров .
Одговор зошто се повлекоа грците нема ни Премиерот Ковачевски , тој не се мешал во одлуки на приватна компанија .
Инаку, Владата претходно прогласи историски успех со тоа што после 13 пропаднати тендери конечно ќе се изградела хидроцентралата, ама ни 14-ката не беше среќна. Проектот требаше да вреди 1 милијарда, а грчкото електростопанство ќе управуваше со Чебрен и Тиквеш 60 години .
