Реклама

Домот за стари лица во Прилеп со нови идеи за подобрување на условите за своите штитеници

Обвинение за смртта на работникот кој падна во окно од лифт, охридското обвинителство гони две лица и две фирми

Николоски: Владата ги претвора плановите во видливи резултати на терен – 100 милиони денари за локалната инфраструктура во Валандово

Инфлацијата под контрола, мерките на Владата треба да придонесат за уште посилен ефект

Судење за соѕиданите 350 илјади евра – одбраната ја оспорува ДНК трагата на парите

Нема повредени во пожарот во ГОБ „8 Септември“, отпушок од цигара најверојатно причина за огнот

Дипломатска офанзива на Мицкоски: Важно е да се презентираат позициите на Македонија, кои некои не ги поддржуваат, ниту разбираат

Народната банка ја проверува документацијата на кандидатите за купување на „Алта банка-Битола“

Трамп, Путин и Си во заедничка изјава: Нуклеарна војна не смее да има

Германија ја преполовува квотата за работници од Западен Балкан, работа за квалификувана работна сила има во Македонија

Нa негирањата треба да се одговори со наука и аргументи – Институтот за историја одбележува 80 години постоење

Советниците на ВМРО-ДПМНЕ го доставија акцискиот план за кравите во Крива Паланка – предлагаат шест итни мерки

Македонија

Божиновска – Петрова: Нови чекори за зајакнување на енергетската соработка меѓу Македонија и Бугарија

 Продлабочување на билатералните односи во енергетиката, со фокус на конкретни проекти, размена…

Сподели:
Фото: Алфа Вести

 Продлабочување на билатералните односи во енергетиката, со фокус на конкретни проекти, размена на искуства и можности за заеднички активности биле во фокусот на средбата меѓу министерката за енергетика, рударство и минерални суровини Сања Божиновска и бугарската министерка за енергетика Ива Петрова.

Средбата се одржа во Белград, на маргините на Вториот министерски самит на четирите земји – Македонија, Бугарија, Грција и Србија. На разговорите присуствувале претставници на Министерството за енергетика, рударство и минерални суровини, МЕПСО и НОМАГАС, како и претставници на енергетски компании и институции од Бугарија.

Една од темите беа батериските системи за складирање електрична енергија. Македонската страна изрази интерес за искуствата на Бугарија во техничките решенија, регулативата, финансирањето и реализацијата на ваквите проекти. Бугарската страна изрази подготвеност да ги сподели своите искуства, експертиза и технички знаења со македонските институции и компании.

Реклама

Разговарано беше и за продолжување на започнатата соработка за подобро поврзување на електроенергетските пазари и унапредување на прекуграничната размена на електрична енергија.

Во рамки на средбата беше опфатена и темата енергетска сиромаштија, при што беа разменети искуства за мерките и политиките што можат да придонесат за обезбедување подостапна и сигурна енергија за граѓаните.

Министерките разменија мислења за идните енергетски планови и проекти на двете земји и нивното поврзување со регионалните приоритети. Разгледана беше и можноста за заеднички настап пред меѓународни финансиски институции и донатори за обезбедување средства за стратешки и регионално значајни енергетски проекти.

Во разговорите беа опфатени и новите технологии во енергетиката, како и можностите за посилно поврзување на компаниите и институциите од двете земји. Во тој контекст, беше нагласено значењето на соработката меѓу МЕПСО, НОМАГАС и МЕМО и нивните соодветни партнери во Бугарија, со цел размена на знаења и искуства и развој на конкретни активности.

Разговарано беше и за Иницијативата Исток–Запад, во чии рамки е предвидена изградба на дополнителна интерконекција меѓу македонскиот и бугарскиот електропреносен систем, како и идни надградби и унапредување на постојната интерконекција меѓу Македонија и Грција.

Реализацијата на овие инфраструктурни проекти, заедно со останатите тековни и планирани енергетски проекти, ќе овозможи подобро регионално поврзување и зголемување на преносните капацитети, а со тоа и поголеми можности за размена на електрична енергија.

На средбата беше истакнато дека реализацијата на Иницијативата Исток–Запад и другите стратешки енергетски проекти ќе придонесат за зајакнување на улогата на Македонија во регионалниот енергетски систем, преку подобро поврзување на пазарите и унапредување на сигурноста на снабдувањето.

Двете страни го истакнаа потенцијалот за понатамошна регионална интеграција, размена на експертиза и заеднички инвестиции, со цел создавање посигурен и постабилен енергетски систем во Македонија, Бугарија и поширокиот регион.