Нападот и тупаниците во радарската кула на аеродромот додека повеќе десетици авиони го прелетувале македонското небо ја загрозиле безбедноста на авионскиот сообраќај, но осомничената банда не е во притвор, туку судот им ги одзема пасошите.
Обвинителството се жали на одлуката на судијата, Пајазит Пајазити, заменик претседателот на Кривичниот суд и по вторпат побара притвор за групата осомничени. Меѓу нив, е и претседателот на чаирскиот огранок од ДУИ Беким Незири на кој заедно со седумината им се заканува затворска казна од најмалку 5 години. Иако запретената затворска казна е висока и со инцидентот го загрозиле целиот авио собраќај во државата, сепак за судијата на претходна постапка Пајазити доволно е на групата напаѓачи да им се одземат пасошите.
Осомничените на 4 јануари, со заедничко дејствие на извршување, сториле кривично дело со кое ја загрозиле безбедноста на Меѓународниот аеродром Скопје, незаконски и со намера да извршат дело на насилство против лице ги попречиле услугите на аеродромот. Со нивните дејствија тие ја загрозиле безбедноста на меѓународниот воздушен сообраќај во момент кога во воздушниот простор над државава се одвивале 28 летови под контрола на М-НАВ, со што се осомничени дека извршиле кривично дело за кое е предвидена казна затвор од најмалку пет години, стои во соопштението на ОЈО.
Наќе Чулев, пак, од ВМРО ДПМНЕ информира дека за време на инцидентот прелетувале 40 авиони над македонското небо, а два од нив кружеле бидејќи не можеле да добијат команда за слетување, а еден од контролорите бил удрен одпозади при што паднал врз апаратурата за давање насоки.
Во меѓувреме по останатите четворица по кои полицијата трага распишани се национални потерници, а медумите објавуваат дека еден од нив се дал во бегство надвор од државата. Неофицијално, еден од пребеганите е Омер Буњаку близок човек до вицепремиерот Артан груби и предводник на навивачката група Шверцери, а меѓу избеганите е и Ерсен Сали. МВР иако има редовна пракса осомничените да ги пишува со иницијали, овојпат ги сокри од јавноста.
Заменик претседателот на Кривичниот суд Пајазити има рок од 3 дена да одлучи по жалбата на обвинителство кое бара притвор.
На првиот работен ден по празниците, финансиските инспектори ќе влезат во македонска навигација за да го испитуваат целокупното финансиско работење, работата на менаџментот, јавните набавки, работењето на синдикатот како и последните
Пред два дена, функционерот на ДУИ кој е вработен во институцијата и уште неколку други лица упаднаа во зградата на Контрола на летање на скопскиот меѓународен аеродром веднаш по прес-конференцијата на синдикатот на М-НАВ, на која порачаа дека нема да прифатат партиски вработувања.
За притисоците и незаконските вработувања во М-НАВ, синдикатот реагираше подолго време, но овојпат контролорите додека даваа насоки за летови се соочија со насилна банда предводена од нивни колега.
