Претседателот на Бошњачкиот демократски сојуз (БДС), Мунир Колашинац, упати честитка до сите Бошњаци во Македонија, регионот и дијаспората по повод 28 Септември – Денот на Бошњаците, се вели во соопштениетоод БДС што МИА го пренесува интегрално.
„Овој ден е можност со гордост да го истакнеме нашето име, идентитет, култура, историја, босанскиот јазик и традиција.
БДС останува посветен на зачувувањето и афирмацијата на бошњачкиот идентитет, култура и јазик, како и на рамноправноста и целосното остварување на правата на Бошњаците во Македонија.
Нека 28 Септември биде потсетник дека треба да го чуваме нашето име, идентитет и традиција и со достоинство да ја градиме иднината на Бошњаците.
Среќен 28 Септември – Денот на Бошњаците!“
Мунир Колашинац
Претседател на Бошњачкиот демократски сојуз – БДС
