76-годишен Беровчанец и неговата сопруга платиле речиси 400.000 евра на човек што тврдел дека може да „растура магии“.
Имено, осомничениот, 54-годишен самопрогласен „бајач и божји човек“ од Трубарево, три години успешно ги уверувал дека нивниот син е жртва на магии и „зла сила“, па брачниот пар од Берово за секоја негова „сеанса“ за наводното лечење му плаќале по 5.000 до 6.000 евра. Полицијата стави крај на оваа измамничка драма.
Скопјанецот од Трубарево и неговата мајка се уапсени вчера во Берово, а кај жената биле пронајдени 3.000 евра и златен накит. Двајцата си заработија кривична пријава за продолжено кривично дело – измама, а истите се предадени на судија за претходна постапка во Основниот суд Кочани.
