Се урна руски патнички авион на компанијата „Ангара ерлајнс“ со околу 50 патници во Русија, при што се стравува дека нема преживеани, соопштија претставници на итните служби.
Остатоците на патничкиот авион се пронајдени на 15 километри од градот Тинде, на границата со Кина, предвидено одредиште за слетување.
Леталото, со кое управувала компанија со седиште во Сибир, било старо речиси 50 години.
Според првични информации, на летот имало 43 патници, меѓу кои пет деца, и шест членови на екипажот. Руската влада подоцна објави бројка од 42 патници.
Авиокомпанијата „Ангара“ нема дадено дополнителни детали за инцидентот. Властите отворија истрага за причините за несреќата, а Кремљ потврди дека претседателот Владимир Путин е информиран.
