Ново реалити шоу на скопската градоначалничка Данела Арсовска. Откако го мина речиси цел мандат забарикадирана во својот кабинет и не мрдна со прст да ги среди натрупаните проблеми во главниот град, утрово доби наплив да ја средува општина Чаир.
Во улога на лут и нервозен инспектор, заедно со екипи на градот шеташе на повеќе локации низ Чаир во лов на дивоградби и други неправилности. Целото шоу со кавгите, довикувањата, расправиите и недоличниот однос ги емитуваше во живо на својот Фејсбук профил.
Главен на удар и беше градоначалникот на општина Чаир, Висар Ганиу, кого го повика со зборовите „ако си маж дојди, не се криј дечко, кажи како дозволуваш на диво да се гради низ општината“. Еве погледнете дел од ново шоу на Арсовска.
