ВМРО ДПМНЕ и лидерот Хиристијан Мицкоски и натаму се во убедливо водство, во однос на рејтинзите за партиите и нивните лидери, покажува последната анкета на порталот Мкд.мк и агенцијата Маркет вижн. Повеќе од една третина од граѓаните веруваат дека работите одат во подобра насока, а тоа е за 3 % повеќе од резултате на анкетите спроведени во април годинава. Кобнкретно 34,3 отсто од испитаниците одговориле дека насоката е правилна, а 40,5 отсто сметаат дека насоката е погрешна.
Анкетата покажува дека најголема доверба кај граѓаните ужива лидерот на ВМРО ДПМНЕ Христиан Мицкоски со 26.9%. Од албанскиот политички блок најголема доверба кај граѓаните има лидеот на ДУИ, Али Ахмети односно 6%.
На трето место е Венко Филипче како претседател на СДСМ со доверба од 4,7%. Претседателите на партиите од коалицијата Вреди, Изет Меџити и Билал Касами имаат по близу 2 проценти, а Африм Гаши има 1%.
Претседателите на ЗНАМ и на Левица, Максим Димитриевски и Димитар Апасиев се изедначени со по 3%.
Од политичките партии, убедлива предност има ВМРО-ДПМНЕ пред опозициските партии. Дури 23,8% од испитаниците се изјасниле дека на следните избори ќе гласаат за политичката партија ВМРО-ДПМНЕ.
Кај партиите на Албанците во Македонија опозициската ДУИ е во мала предност пред вкупниот резултат на владината коалиција Вреди.
Резултатите покажуваат дека повеќе од половина од испитаниците кои дале одговор за која партија ќе гласаат на наредните избори, го избираат ВМРО-ДПМНЕ.
Ако се споредат резултатите на определените гласачи со минатите истражувања, пред локалните избори, ВМРО-ДПМНЕ, СДСМ и ЗНАМ имаат раст, а благ пад има кај Левица и ДУИ.
Додека, пак, падот на Вреди е поврзан со напуштањето на коалицијата на Алијанса за Албанците на Арбен Таравари.
Анкетирањето е спроведено телефонски од 20 јуни до 4 јули годинава на примерок од 1.200 испитаници.
