Наместо обединување околу државните интереси и прифаќање на повикот за национално единство што беше предложено на Илинден, Социјалдемократскиот сојуз и Андреј Жерновски, се „залепија“ за „талогот“ што го спомена премиерот Христијан Мицкоски. Таквиот пристап, според дел од аналитичарите, остава впечаток дека се препознале во терминот, па со тоа решиле да собираат ситни политички поени. Универзитетскиот професор Јован Кекеновски оценува дека ваквите реакции се непродуктивни, а конструктивната опозиција е таа што ќе придонесе за дефинирање на заедничките црвени линии во односите со Бугарија.
- „..Не само од претседателот Мицкоски, туку и од останатите говорници коишто беа и воопшто сите беа насочени кон желбата за национално помирување .. Нема потреба од ваква реакција. Наместо ваква реакција би било добро да се смират страстите и да размислуваат во насока како тоа да обезбедиме подобра позиција во идниот преговарачки процес и како да ги обезбедиме, односно консензуално да ги имаме црвените граници од коишто не смееме да отстапиме, бидејќи гледаме притисокот станува сè поголем, сè по-нерационален, токму благодарение на ваквиот однос на, на опозицијата“ рече Јован Кекеновски – универзитетски професор.
Во услови на засилени надворешни притисоци, приоритет треба да биде националниот консензус, а не политичкото надмудрување, оценува професорот.
- „Сигурно една конструктивна опозиција треба да размислува во насока на надминување на ваквите секојдневни, би рекол, би рекол, епитети коишто си ги упатуваат од една или од друга страна, и затоа сметам дека што побрзо ги надмине е подобро, бидејќи приоритет треба да биде Македонија, а не треба да биде приоритет токму занимавањата и целокупното внимание насочено кон, против ВМРО ДПМНЕ, притоа да се обидат на ваков начин да собираат ситни политички поени коишто сигурно дека нема да го подобрат нивниот рејтинг на, ако продолжат и понатаму на ваков начин“ вели професорот Јован Кекеновски.
Премиерот Мицкоски на 2-ри август повика на обединување околу државните интереси и единство во македонските евроинтеграции. Од опозицијата пак решија да обвинуваат дека биле правени поделби.
