Шеесет и девет годишниот Американец Роберт Францист Превост, е избран за 267 папа. Пред појавувањето на балконот на базиликата „Свети Петар“ новиот папа се подготви избирајќи го своето папско име Лео 14ти кое често укажува на насоката на неговото идно раководење.
„Имаме Папа!“, изјави Доминик Мамберти – кардинал протоѓакон
На плоштадот „Свети Петар“,верници од целиот свет масовно пристигнаа, за да го проследат неговото прво обраќање и благослов.
„Да го задржиме во нашите уши слабиот глас на папата Фрањо кој го благословува Рим. Папата, кој го благослови Рим, го благослови целиот свет тоа утро на Велигден. Дозволете ми да се надоврзам на тој благослов. Бог нè сака. Бог ги сака сите. Злото нема да надвладее“, изјави Роберт Превост папата на Римокатоличката црква
На вториот ден од конклавата неколку минути по 18:00 часот по средноевропско враме, бел чад започна да се издига од оџакот над Систинската капела и заѕвонеа ѕвоната во Ватикан.
Кардиналите со двотретинско мнозинство одлучија дека Превост ќе ги води католиците ширум светот. Откако беа пребројани гласовите, гласачките ливчиња беа запалени, а на огнот беше додадена посебна хемикалија за да се создаде препознатливиот бел чад – симбол на успешно завршениот изборен процес.
69 годишниот Роберт Франсис Превост, по потекло е од Чикаго. Од 2015 година е бискуп на Чиклајо во Перу, а од ноември 2020 година е член на Конгрегацијата за бискупи. Папата Фрациск го повика да го наследи кардиналот Марк Оуле, но и го именува за претседател на Папската комисија за Латинска Америка. Тој е познат по неговото умерено и балансирано однесување, а се препознава и по неговото солидно проценување.
