Фармацевтската компанија Алкалоид објави позитивни резултати од работењето во првиот квартал од годинава. според податоците за периодот од јануари заклучно со март, Алкалоид остварил раст на консолидираните продажби од 6 %, извоз од 57,4 милиони евра и инвестиции од 4,2 милиони евра.
Приходите од продажба на алкалоид во споредба со истиот период лани се зголемени за 6 проценти. Расте продажбата на домашниот, но и на странските пазари. Најмногу во Јужна Африка, Холандија, Португалија, Австрија.
Единечната нето добивка од работењето е зголемена во нето износ за 4%, а консолидираната за 3 отсто. Реализирани 13 нови вработувања. Бизнис-планот за годинава предвидува инвестирање на околу 8 % од консолидираните приходи од продажби во материјални и во нематеријални средства, како и раст од 7 % на консолидираниот профит пред оданочувањето во однос на 2024 година.
