Од земја и воздух се гаси пожарот на планината Плачковица, што рано изутрината го зафати атарот на селото Јунузлија, во општина Карбинци. Огнот се шири кон село Калузлија и воениот аеродром. Поради непристапноста на терен, возилата не можат да се пробијат, па пожарникари и вработени во Национални шуми со метли и пумпи ги гасат пламените јазици. Според првичните сознанија, постојат индиции дека пожарот е подметнат.
„Од она што го разговарав утрово, има такви индиции затоа што луѓето од Македонски шуми, кои биле на терен виделе човек, како се движи во тој предел. Се работи за пожар кој избуванал рано утринава помеѓу 5-6 часот кога и температурите не се толку високи„ изјави Виктор Пунов, градоначалник на Карбинци.
И на планината Серта, меѓу селата Селце и Драгоево, се уште е активен пожарот кој изби пред два дена. Неколку пинцгауери се на терен и помагат на штипските пожарникари.
Веќе деветти ден се води борба и за планината Готен и Малешевските планини да се спасат од огнената стихија. Пламенот кој доаѓа од страната на општина Василево, од каде што и почна да се шири пожарот е ставен под котрола. Единствена критична точка сега останува делот над Радовиш. Се очекува и помош од воздух.
„Пожарот на беровската страна во текот на денот ќе биде ставен под контрола. Таму се работеше во текот на целата ноќ. Единственото место коешто е доста ризично и е наша приоритетна цел е кракот над Радовиш.Таму работи механизација , имаме и доста копнени сили„ изјави Кире Михаилов, зам. директор на ЈП Национални шуми„
Во изминатотот денононоќие во државата се регистрирани вкупно 33 пожари. Се уште е активни пожарите во прилепско и Македонски Брод.
