🎥 Ако „падне протоколот“ „паѓаат“ и бугарските уцени за бришење на македонската историја, но и за уставни измени

Ако Уставен го поништи вториот протокол со Бугарија од 2022 кој всушност е алатка за бришењето на македонската историја, Македонија ќе го извади осилото од болната пета. Нема повеќе да биде уценета заложничка на Бугарија на евтоинтеграцискиот пат затоа што токму во овој протокол стои обврската за уставни измени и внесување на бугарите во него. Доколку падне протоколот Софија нема има на што да се повикува за промена на Уставот и промена на учебниците по историја, како и да реагира за научни трудови, медиумски написи и јавни изјави, во кои се зборува за македонскиот народ, јазик и идентитет.

Подносителката на иницијативата  Лилјана Поповска вели дека таа не го спори договорот за добрососедски односи и францускиот предлог, кој веќе е дел од преговарачката рамка, туку како неуставен го спори протоколот преку кој Софија сака да го бугаризира македонскиот народ.

Според неа, поништувањето на протокол, кој и според поголемот дел од јавноста е штетен и задира во идентитетот на Македонците, државава може подобро да се позиционира во преговарачкиот процес и билатералниот спор. Поповска вели дека ќе можеме да се повикаме на Виенската конвенција и да бараме нов протокол во кој Македонија ќе има подостоинствена позиција, а одлуките ќе бидат согласно домашното и меѓународното право, без оние крвави барања на Бугарија да не прикаже како вештачка нација без историја.

Според иницијативата, со усвојувањето на протоколот, прекршен е Уставот, Законот за надворешни работи и Законот за договарање и ратификација за спроведување на меѓународни договори. Не е ратификуван во Собрание и не е објавен во Службен весник. Надвор е од Договорот за добрососедство и меѓународните норми. Преку протоколот, Бугарија бара унишутвање на македонскиот јазик и идентитет и историја. Ова се причините зошто Уставен суд ја прифати иницијатива и отвори предмет во кој ќе се аргументира законитоста и уставноста на вториот протокол од преговарачката рамка.