Традиционалната зимница од година во година станува се поголем луксуз. Ајварот, лутеницата и туршијата се помалку се наоѓаат на македонските трпези поради високите цени на потребните продукти, а пресметките на граѓаните им излегуваат скапо, па затоа не се сигурни дали ќе направат нешто за претсојната зима.
Оваа година пиперката „Ајварка“ се продава од 60 до 80 денари за килограм, а модриот домат од 15 до 20 денари за парче. Ако се прават пример 50 кг, само за пиперките се потребни 4000 денари. На оваа количина пиперки се потребни околу 20 модри патлиџани кои би чинеле околу 400 денари. За зејтин треба да се одвојат околу 700 денари колку што чинат 5 литри. Оттука вкупните трошоци изнесуваат 5.100 денари. Од 50 килограми пиперки во просек се добиваат околу 25 тегли ајвар, што значи дека една тегла ќе ве чини повеќе од 200 денари, што е повеќе од дупло од претходните години. Сепак, овде не се зема предвид и вложениот труд.
Граѓаните се жалат дека високите цени не им дозволуваат да се подготват за престојната зима, а подготовката им претставува вистинска мака. И трговците, како што велат, побарувачката е намалена.
„Цените се врвни, готов ајвар е поисплатливо. Ем е готово, ем поефтино. Не мора ништо да работиш. Јас мислам декае многу работа и си купувам. Не е ист квалитетот, сигурно е поубаво да си направиш дома, ама ако можеш.“- велат граѓаните.
„Луѓето купуваат помалку и се жалат за цените.“- велат трговците.
Најевтината тегла ајвар во маркетите е околу 200 денари, а најскапиот и над 400 денари. Граѓаните кои немаат услови за пдготвување зимница велат дека им е полесно да си купат по некоја тегла одколку да го подготвуваат дома.
