Нови двонеделни пакети со неограничени разговори, повеќе интернет во постојните пакети и онлајн активација на припејд eSIM за 49 денари.
Скопје, 19 ноември 2026 година – А1 Македонија ја унапредува својата припејд понуда со нови пакети, повеќе мобилен интернет и неограничени национални разговори. Новата понуда им овозможува на корисниците поголем избор во согласност со нивните комуникациски потреби.
Од денес, новите и постојните А1 припејд корисници имаат на располагање два нови двонеделни пакети. Истовремено, постојните неделен и месечен пакет вклучуваат повеќе интернет по истите цени.
Нови двонеделни пакети
Двата пакета имаат важност од 14 дена.
- Двонеделен пакет S – 199 денари. Вклучува 5 GB национален интернет и неограничени национални разговори.
- Двонеделен пакет M – 299 денари. Вклучува 20 GB национален интернет, дополнителни 2 GB интернет во земјите од Западен Балкан и неограничени национални разговори.
На сите нови припејд корисници кои ќе активираат нова А1 SIM-картичка од 19 ноември 2026 година, по првиот повик автоматски ќе им се активира Двонеделниот пакет M со важност од 14 дена.
Новите двонеделни пакети може да се активираат преку SMS, преку апликацијата Мојот А1 или во продажните места на А1.

Повеќе интернет во неделниот и месечниот пакет
- Неделен пакет – 149 денари, со важност од 7 дена. Вклучува пет пати повеќе интернет, односно 5 GB наместо досегашниот 1 GB, како и неограничени национални разговори и SMS.
- Месечен пакет XL – 499 денари, со важност од 30 дена. Вклучува 30 GB наместо досегашните 10 GB, неограничен интернет за социјални мрежи и неограничени национални разговори и SMS.
А1 Припејд eSIM за 49 денари
Корисниците кои ќе изберат онлајн активација на А1 Припејд дигитална eSIM-картичка можат да ја добијат за 49 денари наместо по редовната цена од 399 денари. Активацијата е достапна на www.a1.mk.
Со унапредената припејд понуда, А1 Македонија одговара на растечките потреби на корисниците за мобилен интернет и нуди поголема флексибилност при изборот на услуги без договорна обврска.
Повеќе информации за новата припејд понуда се достапни на www.a1.mk.
Контакт за медиуми
Бранкица Толевска
Корпоративни комуникации, А1 Македонија
Тел. +389 77 770 002
Е-пошта [email protected]

