Градоначалникот на Општина Куманово, Максим Димитриевски, денеска потпиша Меморандум за соработка со Институтот „Конфуциј“ при универзитетот „Св. Кирил и Методиј“, со цел унапредување на образовните процеси и развој на заедничка соработка, информираа денеска од општината. На настанот присуствуваа претставници од општинската администрација, како и претставници од Институтот, меѓу кои проф. д-р Лијао Веи, кинески директор на Институтот, и проф. д-р Влатко Стоилков, македонски директор.
Според градоначалникот Димитриевски, со потпишувањето на меморандумот двете страни ја изразуваат подготвеноста за соработка, помош и поддршка во развојот на образовните процеси.
Меморандумот предвидува продлабочување на соработката во областа на образованието, културната размена и реализација на активности од заеднички интерес.
