Петодделенецот Јонус Азири од дебарското општинско основно училиште „Саид Најдени“, ќе учествува на меѓународните STEM натпревари, кои оваа година ќе се одржат во Рим, Италија од 1 до 8 јули 2026 година.
-Азири се квалификуваше откако освои бронзен медал на квалификациските натпревари, а претходно блесна и на регионалните натпревари во Македонија, каде го освои првото место со вкупно 86 поени, објави училиштето.
По тој повод младиот талент и неговите ментори беа примени од градоначалникот Фисник Меља, кој упати честитки и му посака успех во Рим.
-Ова е извонреден успех што нè прави сите горди. Успесите на нашите млади се доказ дека Дебар има голем потенцијал и светла иднина. Посакуваме и во наредните години нашиот град да има уште повеќе таленти кои со гордост ќе го претставуваат Дебар на меѓународната сцена, рече меѓу другото Меља на средбата, информираа од општината.
Градоначалникот ја изрази својата поддршка за младите таленти и ја истакна важноста од инвестирање во знаење, образование и развој на младите.
