Пратеникот Бејџан Иљас, во својство на претседател на пратеничката група на Собранието на Македонија за соработка со парламентот на Република Турција, денеска оствари средба со делегацијата на пратеници од Република Турција.
Како што соопштија од собраниската прес-служба, во состав на делегацијата беа претседателката на Форумот на жените на АК Парти, Тугба Ишик Ерџан, како и пратеничката од Големото народно собрание на Република Турција, Рукије Генч Тој, кои престојуваат во Скопје во рамките на конференцијата организирана како дел од програмата „Од срце до срце“ (Gönülden Gönüle) за Балканот.
На состанокот се дискутира за одличните односи помеѓу двата парламенти и пријателските земји, на кој присуствуваа и пратеничките од нашето Собрание: Саранда Имери-Стафаи, Имрлије Салиу-Фетаи и Мерита Колчи-Коџаџику, стои во соопштението.
