Инфлацијата е под контрола. Цените се стабилни, стандардот се заштитува. Според последните податоци, инфлацијата во државата е речиси двојно пониска од таа во Европската Унија која порасна безмалку на 4%. Напорите на Владата да се заштити стандардот на граѓаните со намалување на акцизите на горивата и намалувањето на ДДВ то засега ги даваат очекуваните резултати. Владата останува и понатаму на ставот дека Македонија треба да има најниски цени, пред се на дизел горивото, бидејќи нафатата, заедно со струјата имаат големо влијание во цената на производот.
„Можам да кажам дека очекувам според анализата на берзите да имаме поефтинување на дизелот и бензинот следната недела, преговараме со ОКТА за дополнитлеен попуст со што ќе бидеме убедливо со најнсика цена во регионот, а можеби и во Европа. И тоа генерлано овозможува социјален мир и инфлација помниска за 50 проценти од ЕУ“, изјави Премиерот Христијан Мицкоски.
Во моментов Македонија има доволно количини на дизел гориво, но борбата за заштита на стандардот на граѓаните нанесе удар на планираните државни приходи од акцизата на горивата и приносот од ДДВ. Според последните информации, само по основ на намалената акциза во буџетот има недостаток од околу 5 милијарди денари, а на тоа ако се додаде и намалениот прилив од ДДВ то за дизелот, тогаш има минус помеѓу 7до 8 милијарди денари која не може да се покрие со распределба. Затоа Премиерот очекува уште еден ребаланс на буџетот до крајот на месецот, во кој ќе се предвиди кратење на непропдуктивни трошоци, а приоритет останува заштита на стандардот на граѓаните.
„Ќе намалуваме и расходи, и ќе намалуваме и приходи и дури може да го намалиме и буџетскиот дефицит од тој кој беше предвиден претходно“, додаде Мицкоски.
Статистика пак излезе со податок дека владините политки засега даваат резултати. Според последната анализа за само пет години куповната моќ на граѓаните пораснала за 19 проценти. Односно во периодот од август 2021 до август 2026, плата пораснала за 71%, додека пак цените се покачиле за 46%. Според овие резултати, стандардот на граѓаните пораснал номинално за речиси 20 проценти во последните години и се наоѓа на просекот на раст во најразвиените економии во Европа.
