Утре и задутре екипите на ангажираната компанија ќе извршат дезинсекција на подрачјето на општина Куманово, информираа денеска надлежните.
– Утре (четврток) и задутре (петок) во 05:00 часот ќе се изврши дезинсекција (третирање против крлежи) на зелените градски површини на територија на Општина Куманово-информираа од општината.
Првиот третман ќе се изврши во Соколански парк, на малиот плоштад пред НУЦК „Трајко Прокопиев“, на големиот плоштад пред „Нама“, Спомен костурница, локалитет „Кошеви“ и градски парк. Вториот третман ќе се спроведе на градскиот кеј.
– Ќе се користи препаратот „CIMINA PLUS“-информираа денеска од општината
Доколку временските услови не дозволат спроведување на третманите, ќе се одложат за наредниот ден. Општина Куманово за дезинсекцијата која се спроведува неколку пати во сезоната одвои над еден милион денари.
