Градоначалникот на општина Центар, Горан Герасимовски упати честитка до граѓаните по повод 1 Мај – Меѓународниот ден на трудот, нагласувајќи дека почитувањето на работничките права и вистинското вреднување на трудот се темел на просперитетно и праведно општество.
– Денешниот празник треба да биде потсетник дека борбата за работничките права мора да биде секојдневна заложба. Како социјалдемократ и некој кој искрено верува во социјалдемократските вредности, цврсто стојам на ставот дека економскиот напредок мора да оди рака под рака со социјалната правда. Секој работник треба да се чувствува безбедно и заштитено на своето работно место, да има достоинствени услови за работа, а неговиот труд да биде соодветно вреднуван – порача Герасимовски во пишаната изјава.
Градоначалникот додаде дека во Општина Центар остануваат посветени на политиките што го мотивираат и поддржуваат работникот, бидејќи луѓето, како што нагласи, се нашиот најголем капитал.
