Војната на Блискиот Исток, не влијае само на цените на горивата и проиводите, туку и на туризмот – стравот од проектили и ширење на конфликтот влије врз плановите за летување на повеќето македонски граѓани. Војната создава чувство на несигурност кај поголемиот дел од нив, а близината на конфликтот е доволна за многумина да се двоумат дали да уплатат и патуваат до познатите дестинации како Турција, Кипар, Египет.
„Како што е не планираме, посебно за Кипар, ситуацијава е за дома да си седиш. Не би патувала баш овој период.“
Сепак, граѓаните не се откажуваат од нивниот летен одмор, но внимателно ги бираат дестинациите. Како опции ги споменуваат Грција, Шпанија, Црна Гора или Хрватска, каде што гледаат поголема сигурност.
„Па веќе кога би планирал летување подалеку од регионот тоа би било Западна Европа. Најчесто во Грција…“
Иако туристичките аранжмани кои ги нудат агенциите во Турција, Кипар и Египет функционираат нормално и нема официјални забрани или ограничувања, сепак граѓаните се претпазливи. Од туристичките агенции пак уверуваат дека турите се реализираат без никакви проблеми и нема простор за паника. Сепак, во разговор со дел од туристичките работници, тие признаваат дека кај овие дестинации има пад на интересот, посебно во овој период на попусти за рани уплати.
