Делегација на Армијата, предводена од началникот на Генералштабот, генерал-мајор Сашко Лафчиски, од денеска престојува во повеќедневна работна посета на Вооружените сили на Соединетите Американски Држави.
Во текот на престојот во САД, генералот Лафчиски, во Пентагон во Вашингтон ќе има средба со заменик-претседавачот на Здружениот Генералштаб на Вооружените сили на САД, генерал Кристофер Махони, соопшти ГШ.
Армиската делегација ќе присуствува на церемонијата за примопредавање на должноста на командантот на Националната гарда на американската сојузна држава Вермонт, помеѓу генерал-мајор Грегори Најт, кој заминува во пензија и новиот командант генерал-мајор Хенри Хардер.
Посетата на македонската армиска делегација на САД ќе вклучи бројни работни состаноци со високи воени претставници од Пентагон и Националната гарда на Вермонт, како и посети на клучни воени капацитети, со цел да се зајакне и унапреди стратешката одбранбена соработка помеѓу Македонија и Соединетите Американски Држави.
