Не се одржа конститутивната седница на работната група за реформи во изборното законодавство поради барањето на дел од албанските партии да бидат преведени материјалите.
Министерот за правда Игор Филков, кој требаше да претседава со седницата, изјави дека воопшто не била почната материјалната расправа и се надева дека следната недела ќе се одржи седницата.
Како што претходно информираа од Министерството за правда на средбата требаше да се избере претседател на работната група и да се донесе Деловник за работа.
