Индустриското производство останува еден од носечките сегменти на македонската економија. Државниот завод за статистика соопшти дека индустриското производство во декември 2025 година е зголемено за 2,3 проценти во споредба со декември лани. На годишно ниво, во 2025, во однос на 2024 година, индустриското производство бележи раст од 1,9 проценти. Најголем придонес за декемврискиот раст има зголеменото производство на прехранбени производи, пијалаци и моторни возила, со раст од 4,5 проценти.
Раст е забележан во преработувачката индустрија, додека пад има во рударството и во секторот за снабдување со електрична енергија, гас и пареа. Според индустриските групи, раст е регистриран кај производи за широка потрошувачка, а намалување кај енергијата, капиталните и трајните производи.
