Министерот за економија Бесар Дурмиши порачува дека за зголемување на минималната плата потребно е да се анализираат трите клучни фактори – инфлацијата, растот на просечната плата и продуктивноста.
Она што е предизвик, според него, е што кај нас продуктивноста, како еден од клучните предуслови за ова, е најниска во споредба со другите земји во регионот. Дурмиши смета дека најпрво треба да се договорат синдикатите со работодавачите. Владата, вели тој, постапува според законот и не е против да се зголеми минималната плата, но првично, додава, тие треба да се договорат.
„Работодавачите ги креираат работните места и тие се двигателот на економијата. Нека се договорат двете страни, а ние ќе им помогнеме. Но мора да се зголеми продуктивноста“, нагласува министерот за економија Дурмиши.
