До Министерството за правда се уште не се пристигнати номинации за формирање на работна група, потврди вчера на прес-конференција министерот за правда Игор Филков, одговарајќи на новинарско прашање за Изборниот законик.
-Испратени се два дописи до Собранието. Едниот е на 31 декември 2025 година, а другиот на 20 јануари. Oчекуваме Собранието да одговори на нашиот допис со кој бараме да се номинираат по двајца претставници на парламентарните партии и независните пратеници по што ќе формираме работна група која ќе пристапи кон подготовка на Изборниот законик, посочи Филков.
Изборниот законик, нагласи, е законско решение кое од моментот на неговото донесување заклучно со овие избори има претрпено околу 40-на измени кои заради нивниот парцијален пристап создаваат неконзистентност на целиот закон.
-За негово носење потребен е политички консензус од сите партии, додаде Филков.
