Наместо да глумат жртви како еден лик што со лажна понизност ставаше рака на срце според рецепт од пазарите од Горни Милановац за намамување купувачи, нека се запрашаат… и да наброиме афери. На Богданка и на Венко не им сметаше Артан Груби, ниту мафијата од Грчец, ниту клановите во здравството и енергетиката и градежништвото, кои ја уништија државата, не им сметаа ниту фабриките за марихуана, ниту плантажите во Африка за овошје на кланот Дубаи, ниту кулите во Дубаи, сè тоа е супер. Ама им смета кога некој ќе говори за тоа гласно и ќе ја прозива нивната дволичност, како и лицемерството, крадењето и матните зделки, се вели во реакцијата од ВМРО-ДПМНЕ на денешната прес-конференција на портпаролката на СДСМ, Богданка Кузеска.
Кланот Дубаи е најмафијашката организација, која е метастазирана во целиот систем и наша одговорност како граѓани на оваа земја, кои ѝ мислат добро на државата и сакаат да воведат ред и систем, е да се справиме со овој мафијашки клан со пипалча во судството, Обвинителството, партиите, одредени фирми, па и на улиците во градовите и уличните банди. Таа бандитска мрежа постепено ќе ја демонтираме и сè ќе биде на очиглед на јавноста, транспарентно.
А овие кукања на СДСМ Дубаи се само одраз на страв и паника.
Сигурно им стигнале и новите анкети, според кои тие имаат историски 100 илјади гласа и се на пат да станат четврта партија во државата. И сега мислат дека со заострување на реториката и со навреди и глупави необмислени соопштенија ќе променат нешто. Не се менува со зборови, туку со дела. И битно е кој ги кажува тие зборови. Затоа што вашите зборови им се јасни на сите дури и кога лажете. Затоа што сте ги прелажале луѓето 100 пати и нема да ви дозволат повторно.
