Владата и синдикатите утре ќе седнат на иста маса на седница на Економско – социјалниот совет, каде ќе се разгледуваат барањата за подобрување на животниот стандард на граѓаните. Во фокусот на разговорите ќе бидат растот на платите,минималната плата, усогласувањето со трошоците за живот како и мерките за заштита на куповната моќ на работниците во услови на зголемени цени. Синдикатите бараат конкретни решенија и јасни рокови, предупредувајќи дека граѓаните се потешко ги поднесуваат основните животни трошоци… Владата пак, најавува отворен дијалог и внимателно разгледување на можностите, а исходот од седницата треба да ги нацрта следните чекори за економската и социјалната состојба во земјата.
Заменикот министер за економија, вели дека со конкретни економски мерки очекувањата на Владата се инфлацијата следната година, да падне на два ипол проценти.
Ставот на работодавачите за минималната плата и натаму останува ист.Плата без продуктивност зголемување тешко ќе има.
Инаку вчера измерија дека потрочувачката кошника за едно четиричлено семејство за месец декември изнесува 65.492 денари. Според нивната математика, овој месец е поскап за над 300 денари споредено со ноември. Најголемиот дел од домашниот буџет и понатаму оди за храна и пијалоци 23.648 денари. Најголемо зголемување има кај облеката и обувките, со поскапување од над 140 денари месечно. Ако семејството живее под кирија, потребниот буџет значително расте – од 65 на над 80 илјади денари.
Пресметка за трошоците на четиричлено семејство од 1 јануари ќе прави и Владата. Нема да биде минимална како сидникалната, туку просечна. Според најавите, таа кошница ќе служи како основа за креирање на идните економски политики.
