Осум месеци е затворена струшката спортска сала “Нико Нестор ” во која вежбаа илјадници средношколци и спортисти.Oштината со децении не мрдала со прст да го реши проблемот со објектот кој дополнително пропаѓа, а е запечатен безмалку една година.Поради опасност, трудовиот инспекторат своевремено изрече забрана за користење.Крајно неодговорно и недозволиво е ова што се случува во спортска Струга,единствената гратска сала да скапува.Тоа е срам за градот велат спортските работници,чии тврдења се повеќе од загрижувачки. “Нико Нестор ”не е единствената која е во лоша состојба, има спортски сали кои се во слична состојба и функционираат.Струшката сала само е единствената во која никој не стапнал, а клубовите секој месец плаќаат дебели сметки за струја.
”Не е таа најлошата, најризичната сала одговорно тврдам во Македонија.Бидејќи јас сум секој викенд низ Македонија по саливе.И оваа сала која ја гледате и оваа при јаки дождови прокиснува.Ако е еден од основните проблеми тоа.И што е најстрашно не можам да сфатам некои работи, ми доаѓаат уште фактури за плаќање струја.Последно беше над 6.000 ден.а не сум влезен 7 месеци во салата.Што се случува!”-вели Јован Трпеновски,тренер
Спортската сала градена на државен имот, взаемно ја стопанисуваат средното “Нико Нестор” и Сојузот на спортови Струга.На салата која се користела скоро 30 години никогаш не бил направен нити технички прием од страна на лиценцирано вешто лице кое утврдува дали таа е безбедена да биде пуштена во употреба.
” Дали е дозволиво или не, не знам,несфатливо сигурно е. За мене макар е несфатливо. Така да ставени сме пред свршен чин, помош нема од никаде ни од општина немаше ни досега за клубовите, еве ги нема ни ваучерите.До каде и до кога ќе тераме, јас сум прв пат за 22 години овде сум песимист, немам сила” –вели Владо Ѓоровиќ-тренер
Нејасно е како клубовите поставувале сопствени броила во објект кој не поседува имотен лист бидејќи не се знае кој е сопстеникот.Нејасно е на што се трошеле парите кои 6-те клубови ги плаќале за користење на салата,30 години а надминуваат сума од 200.000 евра.Од државниот испекторат за заштита и спасување велат дека се обиделе да влезат во салата за да извршат увид но не успеале бидејќи истата е затворена,а дополнителен проблем се нерешените имотно правни односи.Велат за да ја утрдиме тековната состојба треба да знаеме со кого да комуницираме,секој се оградува од одговорност.Ситуацијата е многу комплицирана.
