Се прааат последните пресметки околу новата цена на струјата. Регулаторната Комисија за енергетика денеска ја намали цената на дистрибуцијата, преносот и цената на операторот на пазарот МЕМО.
Овие три ставки учествуваат во крајната цена на електричната енергија со 37%. Од 1-ви јануари 2026 година надоместокот за користење на електродистрибутивниот систем Електродистрибуција се намалува за 3,64% , надоместокот за користење на преносниот систем МЕПСО се намалува за 2,67%, намалување има и кај цената на МЕМО од 3,40 %. Затворени се и набавките за загуби. Сега останува универзалниот снабдувач – ЕВН ХОМЕ, под надзор на Регулаторната Комисија да направи пресметка и да се објават финалните цени по тарифни блокови.
Засега не се размислува ниту за промени во часовите во кои важи евтината тарифа. Таа ќе остане преку ден и ќе нема дополнителен еден час, бидејќи тогаш ќе треба евтината тарифа ннавечер наместо во 22 часот да стартува од полноќ – објаснува првиот човек на комисијата.
Граѓаните ќе ја знаат крајната цена на струјата што ќе важи во 2026-та следната седмица.
