По повод Меѓународниот ден за солидарност со палестинскиот народ, кој се одбележува на 29 ноември, движењето „Сите за Палестина“ повторно излегоа на протестен марш во Скопје.
Тие алармираат дека и покрај најавениот прекин на огнот, насилствата продолжуваат, а цивилното население во Газа и понатаму се соочува со тешки услови за живот, вклучително и поплави и недостиг од основни добра. Тие изразуваат разочараност од реакцијата на домашните институции, оценувајќи дека тие молчат пред трагичните случувања.
