Студентите кои не можеа да си дозволат компјутер лап топ или таблет, а кој ќе им биде од голема помош во текот на студиите, конечно добија можност да стигнат до електричен уред. Околу 33.700 студенти го искористиле своето право и ги подигнале ваучерите кои ги обезбеди Владата во вредност од 15.300 денари. Како што вели портпаролката Марија Митева, интересот е огромен и мерката создава вистински резултати.
„Со добро поставен систем и силна соработка помеѓу институциите, мерката стана пример како државата може ефикасно, модерно и одговорно да испорача политики кои дирекно го подобруваат животот на граѓаните. Владата покажа дека инвестициите во знаење, технологија и млади се наш приоритет.“– изјави портпаролката на Владата, Марија Митева.
11.500 студенти веќе успешно го искористиле својот ваучер и подигнале нов електронски уред. Од владата велат дека и понатаму ќе продолжат со следење на реализацијата на мерката.
„Како Влада ќе продолжиме со следење на реализацијата и кај овластените трговци, кон обезбедување на постојана поддршка на студентите и подготовка на нови политики насочени кон дигитализација и модернизација на образованието.“– изјави портпаролката на Влада, Марија Митева.
За оваа мерка, од државниот буџет се издвоени 850 милиони денари за 55 илјади студенти. Запишаните на прв циклус може да аплицираат најдоцна до 20 декември 2025 година на веб страната на услуги.гов.мк, а подигањето на уредите, може да се изврши до 31 декември 2025 година.
