Скопското обвинителство поднесе обвинение против 23-годишен маж од населбата Волково, поради тоа што извршил полови дејства врз петгодишно девојче. Според обвинението, делото било извршено во периодот од мај до јули годинава во домот на обвинетиот.
За време на извршувањето на дејствијата, обвинетиот се заканувал на жртвата дека не смее да информира за слученото на нејзиниот татко. Јавниот обвинител до судот достави и предлог за продолжување на мерката притвор за обвинетиот.
Од МВР истакнуваат дека сите преземени активности се во согласност со законските процедури за заштита на децата.
