Во фер и демократска атмосфера се одвива изборниот процес во Општините во Источна Македонија, каде денеска граѓаните во втор круг треба да изберат нов градоначалник. Прв човек на градот се избира во Пробиштип, Чешиново-Облешево, Кочани, Виница, Зрновци и Македонска Каменица.
И во овој круг пробиштипјани се рекордери по излезност. До 11часот, своето демократско право го искористиле 21,99% од гласачите . Во Кочани, излезноста е 9,99%, а во Македонска Каменица 15%.
На истокот Кочани е со најголем број на гласачи, овде треба да гласаат 32.503, додека Зрновци е со најмал број и до 19часот, своето право на глас треба да го искористат 2506 граѓани. Во Чешиново-Облешево, со право на глас се 5062гласачи.
Во шесте општини на Истокот со право на глас се 76,038 граѓани. Ден претходно, односно вчера гласаа 792 болни и немоќни и тројца во куќен притвор. Според податоците од ОИК во Затворот во Штип, излезноста била над 50% од осудените лица од 23 општини , односно од 104 избирачи на списокот, гласале 58 затвореници
