САД се приближува кон Венецуела. Сателитски снимки од американски воен брод покажуваат дека американската војска е на нешто помалку од 200-те километри од брегот на Венецуела и спроведува воени вежби, објави Sky News. Ова следува откако администрацијата на Трамп најави дека ќе уништат воени инсталации за кои како што велат – ги користат организации за трговија со дрога предводени од претседателот на Венецуела, Николас Мадуро. Претседателот на САД Доналд Трамп јавно негираше дека планира напад врз Венецуела.
„Не, тоа не е вистина“ вели Доналд Трамп, претседател на САД
Претседателот на Венецуела, Николас Мадуро обвинувањата за дрога ги нарече лажни и обвини дека целта е да се украдат нивните огромни ресурси на нафта и гас. Тој порача дека Венецуела е подготвена да го брани мирот и истовремено повика на прекин на сите воени закани по мирот и стабилноста во Латинска Америка.
„Венецуела е невина. Сè што се прави против Венецуела е за да се оправда војна и промена на режимот. Да се украде нашето огромно нафтено богатство, кое е најголемата резерва на нафта и четвртата најголема резерва на гас во светот“ вели Николас Мадуро, претседател на Венецуела
Од почетокот на септември, американските сили извршија најмалку 13-ет напади врз сомнителни бродови за драго, главно во Карибите при што загинаа околу 57 лица. Пентагон даде малку детали за луѓето што беа цел на нападите, но потврди дека меѓу нив имало лица од Венецуела, Колумбиј и Еквадор.
Давид Крстевски
