Нови дојави за бомби во училиштата низ Македонија, поточно во Скопје и Куманово.
Веднаш по добиените дојави, откажани се сите училишни активности на децата во попладневните часови. Откажани се и тренинзи на спортските клубови, играорни групи и други активности за кои се изнајмуваат салите и атриумите на училиштата.
Од МВР велат дека околу 18 часот во СВР Скопје и СВР Куманово било пријавено дека на е-поштенските адреси на неколку основни училишта пристигнале пораки со закана за поставени експлозивни направи. Според информациите од Министерството за внатрешни работи, веднаш по пријавите се постапувало по протокол, и се утврдило дека станува збор за лажни дојави.
