Скопје полека се чисти. Во поголемиот дел од општини се средија мини депониите и контењерите се испразнија, а за среќа и дождот ги изми тротоарите и улиците. Општините со своја механизација излегоа на терен и постепено го средуваат хасот со ѓубрето кое се натрупуваше со недели.
Помош во механизација и луѓе пристигна и од градовите од внатрешноста, како Куманово, Велес, Кавадарци. Алфа во обиколка – тргнавме од Карпош, поминавме низ Центар, па продолживме кон Чаир и Бутел. Сепак ѓубре останало на некои места и се чека на Комунална хигиена.
И граѓаните гледаат подобрување на сликата, но се револтирани за тоа што Скопје се доведе до еколошка катастрофа. Разочарани се од градоначалничката Арсовска, но и апелираат за повисока граѓанска свест.
Контињерите се ипсразнија, ама Вардар се наполни. Огромни количества ѓубре, пластични шишиња, ќеси и разни други отпадоци, можеа да се видат во водите на реката. Сомнежите се дека ѓубрето во реката најверојтно доаѓа од дивите депонии што се наоѓаат во горниот тек, покрај неговото корито.
Епидемиолошката состојба во Скопје е стабилна. Институтот за јавно здравје излезе со препораки до граѓаните за одржување на лична хигиена при ракување со отпад, како што е користење на ракавици, маска и миење раце.
