Претседателот на Демократската унија за интеграција, Али Ахмети, пак учествуваше на протест организиран во Тирана за поддршка на, како што велат организаторите, праведната војна на Ослободителната војска на Косово.
Ахмети во својот говор рече дека потеклото на Косовскиот Специјален суд лежи во измислени руско-српски извештаи за трговија со органи, обвинувања кои се покажале како неосновани и невистинити.
„Ти благодарам Албанијо, ти благодарам мајко, што се однесуваше кон нас како кон мајки и синови… Денес сме заедно Тирана, Приштина и Скопје, и нека бидеме секогаш вакви. Ги креваме нашите гласови за правда, за почит, за признавање на нашата праведна војна, за прагот, за слободата и демократијата, за независноста и пријателството со Америка и Европа“ порача Ахемти и додаде дека денес во Хаг, поранешните водачи на ОВК не се судат како лични имиња, туку се оцрнува, како што рече, чистата војна на ОВК, ги повика сите Албанци да се приклучат на собирите во поддршка на Ослободителната Војска на Косово, бидејќи според него, таа војна била војна за ослободување.
